"Мова ці-кава" ў Маскве

[РомРом]

Спадарства,
“Мова ці кава” запрашае вас на сустрэчу прысвечаную сучаснай беларускай літаратуры. У вас ёсць любімы беларускі аўтар-сучаснік!? Сустрэча – гэта добрая нагода распавесці пра яго. Нічога не ведаеце пра сучасную беларускую літаратуру?! З намі дакладна даведаецеся! У любым выпадку запрашаем вас на цёплую ды пазнавальную маскоўскую “Мову ці каву”, якая адбудзецца ў апошні дзень восені, 30 лістапада а 20.00 у кавярні “Кафеін”, што побач з метро Беларуская!
Да сустрэчы!

[РомРом]

Сябры, дзякуй вам за цікавую сустрэчу!
Нагадаю, што пачалі мы яе традыцыйна з актуальных падзей маскоўскай грамады, ды падрабязным аповедам пра вандроўку некаторых нашых удзелькаў у Дагестан. Пасля мы перайшлі да галоўнай тэмы сустрэчы - сучаснай беларускай літаратуры.
Была прадстаўлена апошняя кніга нобелеўскай лаўрэаткі Святланы Алексіевіч "Час second hand" у беларускім перакладзе, якая апісае феномен трансфармацыі савецкага чалавека ва умовах сучаснага грамадства.
Пасля мы пачулі цікавы аповед пра творчасць Artur Klinau , яго твор Шалом, пра падарожжы з захаду Нямеччыны ў Магілёў у тым самым шаломе, сучасны менскі твор "Шклатара", дзе падзеі разгортваюцца адначасова ў Менску 2010-га, напярэдадні і падчас Плошчы, ды ў 1881-м годзе. Вядома ж, мы не абмінулі "Горад сонца" - твор, які змяняе стаўленне да Менску ў тых, хто мае да гэтага гораду хоць нейкае дачыненне.
Нуступны аўтар, якога мы таксама залічылі да сучасных, Сяргей Пясецкі. Яго прыгодніцкія, аўтабіяграфічныя творы пра кантрабандыстаў з-пад Ракава ў міжваеннай Польшчы, проста не могуць не зацікавіць. Гумар, народныя традыцыі ды крымінальныя аповеды, якія спалучаны ў яго кнігах нездарма ужо доўкі час прыцягваюць увагу шматлікіх чытачоў у Польшчы і Беларусі.
Колькі слоў было сказана пра гумарыстычную, але адначасова глыбокую кнігу полацкага песменніка Уладзіміра Арлова "Ордэн белай мышы".
Пасля была ўзгадана гарадзенская школа пісменнікаў: "пясецкі сучаснасці", літаратар і праваабаронца, Wiktar Sazonau з яго цікавымі "Занатоўкамі кантрабандыста", Victor Shalkevich гарадзенскі бард, шоў-мэн ды пісьменнік у творах якога вельмі добра адчуваецца гарадзенскі дух ну і таксама Аляксей Карпюк з яго найвыдатнейшым, неверагодна прыгожым творам "Данута" пра каханне чырвонага партызана да сяброўкі "Арміі Краёвай" - толькі гарадзенец можа так прыгожа пісаць пра Вільню!
Размаўляючы пра творы, звязаныя з памежжам і кантрабандай, мы не маглі не ўзгадаць зборнік вострасюжэтных аповесцей "Сатанінскі тур" Івана Шамякіна, які ў вельмі цікавай форме апісвае "чалночнае" жыццё Беларусі на пачатку 90-х.
(спасылкі на творы апошніх чатырох аўтараў вы можаце знайсьці ў каментарах да гэтага пасту).
Скончылі мы сустрэчу моўнай хвілінкай ад Рамана Раманавіча.
Яшчэ раз шчыры дзякуй за сустрэчу!

[РомРом]

Шаноўныя сябры,
14-га снежня а 20.00 запрашаю вас на апошнюю ў гэтым календарным годзе маскоўскую “Мову ці каву”. На ёй мы падсумуем найбольш важныя падзеі 2015-га году, а таксама падзелімся планамі на 2016-ты! Ну а паколькі сустрэча нашая перадкалядная, мы паразмаўляем аб тым, як святкуюць Каляды ў Беларусі ды ў іншых краінах. Кожны, хто прыйдзе на сустрэчу дакладна атрымае порцыю святочнага настрою! Да сустрэчы па старому адрасу: кавярня “Кафеін”, вул. Лясная 3, метро “Беларуская”.
З павагай, Аляксей Буранок